هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


هذا المنتدى قائم على كل مايخص الأسرة و المجتمع و الشباب و المراهقين و الأطفال من الجنسين كما يحتوى على قسم للزواج و حل النزاعات الأسرية و القانونية وبه صفحات مفتوحة للفضفضة و الإهتمام بالمسنين.
 
الرئيسيةالبوابةأحدث الصورالتسجيلدخول

 

 من قطه فى شقه الى قطه على سلالم الخدم .... الابنودى ....

اذهب الى الأسفل 
2 مشترك
كاتب الموضوعرسالة
عبير

عبير


عدد الرسائل : 21
العمر : 38
sms : سبحان الله و بحمده سبحان الله العظيم
تاريخ التسجيل : 10/05/2008

من قطه فى شقه الى قطه على سلالم الخدم .... الابنودى .... Empty
مُساهمةموضوع: من قطه فى شقه الى قطه على سلالم الخدم .... الابنودى ....   من قطه فى شقه الى قطه على سلالم الخدم .... الابنودى .... I_icon_minitimeالخميس يوليو 10, 2008 1:30 pm

أختى العزيزه اللى ماباعرفش اسمها
لكن باشوفها اليوم بحاله
قصادى ع السلم
بعد التحيه والسلام:
باكلمك من شقة احمد بيه عليش
فأنا باحبك ليه ؟ مانيش عارفه
يمكن عشان مانتى مكافحه وطيبه
أو أى شىء
وباحسدك
حقيقى والله باحسدك
يمكن فى دى ماتصدقيش
يمكن تقولى - عنى - يعنى ازاى كده
حالتى ( الماليه ) كويسه
وعيشتى عال
ان قلت آى
تلقى الجميع حواليا يجرى
وألف دكتور جاى حداى
وبانام على فراش وثير
بيغسلوا شعرى بكلونيا
كلونيا م المستورده
والبس فيونكات من حرير
ولا عمل ليا وأكلى
آخده ساعات ع السفره
وساعات فى السرير
عايشه ف نعيم لكنه سجن
وانتى حره وملك نفسك صدقينى
نعيمى سجن
لكن انتى منطلقه فى حياتك ياصديقتى الطيبه
صحيح يا أختى مظهرك مظهر فقير
وصحيح بتشقى لاجل عضمه
كتير باشوفك وانتى عايشه يوم مرير
أطفال تطاردك والخدم والبوابين
لكن باشوفك فى النهايه قطه حره
أنا ساعات وساعات كتير
بامرض لانى عاجزه امارس الخروج والجرى بره
لا معنى للقمه اذا ماكانتشى حلوه مره
مره مره
لا معنى للحياه اذا
ماكانتشى رحله جميله بين الحزن والمسره
أنا باحسدك على صحتك
فأنا تمللى فى مرض
لكن انتى دايما شابه وقويه وسعيده
وفى النهايه
ربنا يديمها عليكى عيشه
وربنا يديمها عليكى صحه
اما أنا
فأدينى محبوسه هنا
وكأنه مكتوب لى أعيش
فى عياده أو مصحه
أختك
القطه
اللى فى الشباك اللى قصادك
الرجوع الى أعلى الصفحة اذهب الى الأسفل
عبير

عبير


عدد الرسائل : 21
العمر : 38
sms : سبحان الله و بحمده سبحان الله العظيم
تاريخ التسجيل : 10/05/2008

من قطه فى شقه الى قطه على سلالم الخدم .... الابنودى .... Empty
مُساهمةموضوع: من قطة سلالم الخدم الى قطة الشقه .... الابنودى ....   من قطه فى شقه الى قطه على سلالم الخدم .... الابنودى .... I_icon_minitimeالخميس يوليو 10, 2008 1:31 pm

أكتب اليكى من هنا
يام الفيونكات والضفاير الشيك
من المطر والبرد والاهانه من هنا
انتى يابيضه ياطريه
وياللى طاله عليا من ورا الستاير
ياللى بتشربى العصير
وتدخنى السجاير
ياللى متابعانى بعنيكى كل يوم
من قصرك العالى العظيم
وانا بانتحر طلوع نزول على الدرج
وف طلعتى وف نزلتى
بالمح عينيكى اللى متابعانى
كأنهم سيخين حديد
بتغرزيهم تحت جلدى اللى صبح ورق
فاعرف بأنى فى عينيكى فرجه من ضمن الفرج
فى رحلتى اليوميه
من أعلى الى أوطى الدرج
فرجه جميله مسليه
كأنى نمره ف سيرك أو
بلياتشو على شاشة تليفزيون
أو أغنيه
اتعودت عينيكى تتسلى بيا
الصبح بدرى وانا واقفه فى انتظار العم سالم
فى أسفل السلالم
يفتح ماسورة الزباله لى وله
لا أبتسم ولا أسأله
انا وهوه قطتين
بنعيش على هوامش العماره
لا ليا أسره ولا معاش
ولا عمل ولا فراش ولا سيجاره
ماعرفش امتى راح تقع فى ايديا عضمه طازه
أو تيجى فى ايدين عمى سالم
بقيه من سيجاره
وساعات ييجم قطط كتير
ساعة ما سالم يفتح المخزن دهه
اللى ف نهاية المواسير
ألمح عينيكى بتبتسم ساعة العراك
تنبسطى من منظرنا ده وكأننا فى السيما
تتعلمى من حربنا المهاره
واسمع ساعات الضحكه م الشباك
واستغرب ازاااى احنا قطتين
جايين لدنيتنا دهه من بعض
انتى اذن بتحسدينى ع الحياه دهه ؟؟
لانى حره وابصر ايه
كل الكلام ده اللى انتى قايلاه فى الجواب
انى فقيره لكن سعيده
وعمرى ماأعيا والحاجات دى كلها ؟
طيب خلاص
تعالى ابقى معانا حره ف رحلة الالم
بدال ماقاعده تنزفى حسره وندم
بخطوتين على القدم
تبقى معانا حره فوق سلالم الخدم
ايه ؟ قلتى ايه ؟
بدال ما قاعده من ورا الستاير الحرير متمدده
وبابتسامتك المتنكده
لكن أنا متأكده
انه اذا حاولنا ناخدك عندنا
أو احنا جينا عندكم
حتدافعى عن هذا المكان للموت كلام
حريه قال
ماباكلشى انا من الكلام ده صدقى
فخبرة الرتاح غير خبرة الشقى
وبافهم الحريه غير كده
بافهمها لقمه كريمه بيت طيب دفا
تنفعنا ايه كلمة تمجد الوقوف تحت المطر
طالعه لنا من تحت الغطا والألحفه ؟؟
الفقر حريه ؟
صحيح منطق غريب
لكن مانيش شايفاه غريب فى ذلك الكون العجيب
انتى مريضه ؟ اما أنا ؟؟
الفرق ان انتى الطبيب شافك وانا
فين الطبيب اللى ييجى يشوفنى هنا ؟؟
ده حيكتشف فيا مرض
عمره ما صادفه لاف شقق ولا أوض
....................
بقى موضه دلوقت الغناى
يزينوا للفقرا شكل الفقر علشان تفضلوا
تعيشوا انتو فى الترف وفى النعيم
ونتقتل احنا هنا
على سلالم الخدم
واحنا بنبتسم
قطة السلالم
الرجوع الى أعلى الصفحة اذهب الى الأسفل
tamtam_0991

tamtam_0991


انثى عدد الرسائل : 168
العمر : 33
sms : سبحان الله و بحمده سبحان الله العظيم
تاريخ التسجيل : 17/05/2008

من قطه فى شقه الى قطه على سلالم الخدم .... الابنودى .... Empty
مُساهمةموضوع: رد: من قطه فى شقه الى قطه على سلالم الخدم .... الابنودى ....   من قطه فى شقه الى قطه على سلالم الخدم .... الابنودى .... I_icon_minitimeالجمعة يوليو 11, 2008 4:19 pm

الابنودي اسلوبه جميل يمتاز يمتاز بعامي الصعيدى وفكرة انه يكتب عن القطط دي فكرة حلوة وغريبة
شكرا انك عرضت هذا الموضوع
الرجوع الى أعلى الصفحة اذهب الى الأسفل
 
من قطه فى شقه الى قطه على سلالم الخدم .... الابنودى ....
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: فى رحاب الله :: بيت الأسرة :: شباب أون لاين :: ثقافة -أدب-فنون-
انتقل الى: